ACIGU divulga os números agraciados na Campaña de Nadal con máis de 10.000 listas

A Guarda, 21/01/2008. A Asociación de Empresarios da Guarda (ACIGU CCA) sorteou o pasado 16 de Xaneiro as 20.30 horas ante notario a Campaña de Nadal para potenciar a compra en establecemento asociados. Nestes días xa foron aparecendo as primieras papeletas premiadas de “O Nadal de ACIGU CCA”, unha das campañas que crea máis expectativas entre os comerciantes e máis solicitada polos seus clientes.

Para informar dos números premiados, ACIGU repartíronse máis de 10.000 listas en toda a comarca cos números que extraídos no sorteo. Estas listas foron distribuídas entre os establecementos comerciais, aparecendo tamén os números no folleto de Ofertas quincenal.

ACIGU ampárase nunha circular da Consellaría da Consellaría de Innovación e Industria para facer cumpriri a Lei de horarios

A Guarda, 12/01/2008. A presidenta da Asociación de Empresarios da Guarda, Carmen García, dirixiuse ao concello da Guarda reclamando do goberno local a obriga que ten de facer cumprir a Lei de horarios comerciais de Calicia, diante daqueles establecimentos que non a respectan os domingos efestivos.

A presidenta de ACIGU adxuntou un comunicado da Consellaría de Innovación e Industria, con data de 4 de xaneiro, sobre esta materia e no que se recolle que

Todos aqueles Concellos que non exerceran a facultade prevista na lei para adecuar os seus intereses comerciais, rexeranse polo disposto na Orde de 29 de outubro de 2007.

Esta orde establece que os establecementos poderán permanecer abertos ao público no ano 2008 cun horario máximo de 12 horas o 13 de xaneiro, o 19 de marzo, o 6 de xullo, o 1 de novembro, o 6 de decembro, o 14 de decembro, o 21 de decembro e o 28 de decembro.

Santiago de Compostela, 4 de xaneiro de 2008.- Con motivo da entrada do novo ano, a Dirección Xeral de Comercio da Consellaría de Innovación e Industria lembra que segundo o disposto no artigo 5 da Lei 13/2006, de 27 de decembro, de horarios comerciais de Galicia, os domingos e días festivos nos que os establecementos comerciais poderán permanecer abertos ao público serán como máximo, de 8 ao ano, sendo determinados anualmente por Orde da Consellaría con competencias en materia de comercio.

Non obstante, para os efectos de protexer os intereses comerciais nos diferentes concellos, calquera concello pode solicitar da consellaría competente en materia de comercio a modificación de dúas das datas de apertura permitida para o seu termo municipal conforme ao procedemento previsto no artigo 6 da devandita Lei 13/2006, de 27 de decembro.

A Orde de 29 de outubro de 2007 sinalou os oito domingos e festivos nos cales se autoriza a apertura de establecementos comerciais durante o ano 2008. Mediante Resolución de 10 de decembro de 2007 publicáronse os cambios producidos na orde como consecuencia das peticións efectuadas polos concellos.

Para todos os restantes concellos que non solicitaron o cambio sinalado rexerá o disposto na Orde do 29 de outubro polo que os oito domingos e festivos nos cales os establecementos poderán permanecer abertos ao público no ano 2008 cun horario máximo de 12 horas serán o 13 de xaneiro, o 19 de marzo, o 6 de xullo, o 1 de novembro, o 6 de decembro, o 14 de decembro, o 21 de decembro e o 28 de decembro. Neste sentido, a Consellería de Innovación e Industria velará polo cumplimento do disposto na devandita Lei 13/2006, de 27 de decembro, en condicións de igualdade para todos os cidadáns e cidadás.

A Federación Galega de Comercio e ACIGU organizan un Curso de Ofimática en Informática San Benito

A Guarda, 10/01/2008. A Asociación de Empresarios da Guarda (ACIGU CCA) e na súa representación Carmen Mª García Braga presentou oficialmente onte, mércores, 9 de xaneiro, o Curso de Ofimática que se imparte no centro Informática San Benito, os luns e mécores, de 20.00 a 22.30h, destinado ao sector Comercio.

Este curso está incluído no programa formativo da Federación Galega de Comercio a través de Femxa en colaboración coa Asociación de Empresarios da Guarda (ACIGU CCA).

A Carpa da Alameda da Guarda escenario da Festa dos Reis Magos de ACIGU CCA

A Guarda, 05/01/2008. A Asociación de Empresarios da Guarda (ACIGU CCA) na súa estratexia de dinamización e desenvolvemento do tecido empresarial guardés, continuou coa celebración do “Nadal de ACIGU CCA”, organizando unha nova festa para os nenos e nenas da comarca na Carpa instalada nos xardíns da Alameda da Guarda. Os Reis Magos de Oriente atenderon as peticións de todos os cativos a partir das dez da mañá, cunha afluencia continuada durante toda a mañá. Melchor, Gaspar e Baltasar entregaron 600 paquetes de lambetadas e 300 kilos de caramelos.

O Nadal de ACIGU CCA non remata con está actuación, senón que continúa coa súa programación do Nadal 2007-08.

Comezou a Campaña de Rebaixas

Campaña de Animación na Rúa: “O Nadal de ACIGU CCA  2007”

A Guarda, 04/01/2008. A Asociación de Empresarios de A Guarda “ACIGU CCA” despois do éxito desbordante que conseguiu, entre os  días 17 e 21 de decembro, coa campaña que organizou na sede do Nadal, con Papa Noel,  entregando máis de 3.000 agasallos e 500 kilos de caramelos entre os nenos e nenas da nosa localidade, continua hoxe cos tres Reis Magos de Oriente, que fixeron un gran esforzo ao anticiparse para recibir os máis cativos, persoalmente, na sede de Nadal de ACIGU, para que os pequenos lles comuniquen os seus desexos e ilusións.

Hoxe, venres, os Reis de Oriente desprazaranse ata a carpa situada nos xardíns da Alameda da Guarda a partir das 10.00 horas, onde haberá unha gran festa para todos os rapaces.

Pola tarde, os Reis Magos voltarán á sede oficial, situada na rúa Julián López, onde farán entrega de agasallos e caramelos para todos os visitantes.

E hoxe mesmo farase a entrega das 7 bicicletas do concurso de postais, no que participaron 1.650 nenos e nenas de toda a comarca.

ACIGU colabora tamén coa Cabalgata de Reis do concello de A Guarda,  coa entrega de 500 bolsas de golosinas.