|
Sorteo Campaña Nadal 2009 |
|
O número 247.089 agraciado cos 5.000 euros sorteados por ACIGU na Campaña de Nadal
A Guarda, 16/01/2009. A Asociación de Empresarios e Comerciantes da Guarda, ACIGU sorteou, onte, ante notario, os agasallos da Campaña de Nadal no que se repartiron 99 premios, desde electrodomésticos, como tostadoras, sandwicheras, batidoras e pranchas, pasando por vales compra por contía de 10, 20, 50 e 100 euros; unha viaxe ás Illas Canarias e rematando co premio estrela: un Vale-compra por contía de 5.000 euros que o afortunado ou afortunada poderá gastar nos establecementos asociados a ACIGU, cando menos terá que elixir ata dez deles para consumir ese case millón das antigas pesetas. Arestora ignórase quen foi o cliente agraciado, pero si se sabe que o establecemento que deu a sorte foi “Alén do Miño”.
A presidenta de ACIGU, Carmen García Braga, e o Notario da Guarda, José Manuel Rodríguez Casal, tomando nota dos números que ían saíndo
O Notario, como corresponde a quen dá fe, seguiu atentamente o resultado das extracións das bólas que ían sacando os colaboradores de ACIGU das respectivas caixas
Prudencio González Franco, tomando tamén nota dos números que saían
Carmen García encargouse de dirixir aos colaboradores durante a extracción dos números
O notario, en primeiro termo, e ao fondo os colaboradores extraendo as bólas da sorte
Tomando nota dos números que ían saíndo para comprobar, posteriormente, os boletos
O máis xove colaborador, Marcos González Rodríguez, mostrando unha das bólas ao Notario
Un momento do sorteo
Outro instante do sorteo dos 99 agasallos ofrecidos polos establecementos asociados a ACIGU
O número agraciado cos 5.000 euros (preto dun millón das antigas pesetas)
|
