A Guarda, 08/04/2008. A Asociación de Empresarios da Guarda (ACIGU CCA) fixo entrega dos diplomas do curso FIP de “Auxiliar de Axuda a Domicilio” que se realizou do 18 de xullo ao 30 de novembro de 2007 cun total de 465 horas.

Ao acto, celebrado na sede de ACIGU o sábado, 5 de abril, asistiu o Delegado de Traballo, Pedro Borrajo Rivas, primeiro tenente alcalde, Miguel Español Otero (en representación do  concello da Guarda por non poder asistir o Alcalde por outros compromisos na axenda propostos con anterioridade), Carmen Mª García Braga en calidade de presidenta de ACIGU CCA e Fátima Iglesias Ferreira en calidade de Coordinadora do curso.

Carmen Mª García Braga deu comezo o acto agradecendo a presenza dos asistentes, tanto autoridades como alumnos do Curso de Auxiliar de Axuda a Domicilio. A Presidenta agradeceu tamén a confianza depositada en ACIGU pola Consellería de Traballo para a formación de alumnos  para a inserción laboral. A impartición deste curso, dixo, é moi importante pola demanda actual e futura de persoal cualificado polas empresas.

A continuación o delegado de Traballo, Pedro Borrajo Rivas, agradeceu a invitación para facer entrega dos diplomas. Comezou dicindo “o emprego é un dereito universal de tódalas persoas; o exercicio deste dereito, dá as persoas a oportunidade de formar parte da sociedade na que viven e participar nos procesos económicos, sociais, políticos e culturais, contribuíndo co seu traballo ó desenrolo de toda a sociedade.” “Se ben é certo que a administración pública e as entidades sociais xogaron, e deben de seguir xogando un papel fundamental a favor da integración social. A sociedade pide ás empresas que asuman un compromiso cada vez maior nos procesos de inserción laboral, compartindo deste modo a corresponsabilidade na construcción dunha sociedade máis xusta e equitativa.” “É un feito indiscutible o incremento paulatino da presenza das mulleres no mercado laboral. Sen embargo, neste entorno, as desigualdades de xénero seguen sendo moi relevantes, tanto no acceso ó emprego como nas condicións laborais e posibilidades de promoción. A condición da muller, por outra banda, é unha dificultade engadida coas que se encontran moitas das persoas na situación de vulnerabilidade no momento de seren empregadas, de manter un emprego e de desenrolarse profesionalmente.” “O Conselleiro de Traballo ven de presentar  o PLAN AURORA de emprego feminino que representa unha estratexia integrada do conxunto das políticas para avanzar na igualdade laboral entre homes e mulleres. Beneficiará a máis de 150.000 mulleres e contará cun orzamento de 190 millóns de euros no 2008. Está formado por 7 programas que pretenden promover a incorporación de máis mulleres ó mercado laboral, incrementar a calidade do emprego feminino, incorporar mulleres a profesións nas que están subrepresentadas, garantir a igualdade na negociación colectiva, fomentar o emprendemento, apoiar e sectores maduros con alto índice de presenza feminina e potenciar a conciliación.” “Así mesmo, animo a ACIGU a seguir traballando nesta liña, polo seu labor e ben facer, neste labor formativo, así como agradezo a outras asociación e empresas que facilitan este labor á propia Consellería. Grazas ó grupo de alumnos por confiar en ACIGU e na Consellería de Traballo, dicirvos que este é un curso de 465 horas moi completo,  que seguramente vos dará a posibilidade de acadar emprego e que a consellería pon a vosa disposición unha serie de familias formativas a que podedes acceder e que estamos a fomentar sobre todo de cara a muller.”

De seguido Fátima Iglesias Ferreira agradeceu a presenza do grupo de alumnos e destacou o compromiso do grupo adquirido co curso co profesorado e incluso ca propia asociación. Destacou a presenza de alumnas que viñan diariamente dende Tomiño, Tui e incluso Vigo, fixo referencia á calidade humana do grupo e desexoulle sorte de cara o mundo laboral.

Clausurou o acto Miguel Español Otero agradecendo o labor de ACIGU, da súa presidenta, da coordinadora do curso e así mesmo, felicitou aos alumnos/as polo diploma que estaban a punto de recibir.